ســـــــــنــــــــيـــــــــــن الــــــــجــــــــــــمــــــر...

ســـــــــنــــــــيـــــــــــن الــــــــجــــــــــــمــــــر..

مشين ذاك الوقت و ما اصعبهم سنين ..يوم الخاوا قسمتهم العداوة و عادو متخاصمين ..هذا قال دولة اسلامية مبنية على الدين نطبّق حكم الله "بالمحشوشة" و السّكّين ..ولاخر قال دولة ديمقراطية بمقاييسي أنا ما نقبلش بلخرين.. نحكمها بيدّيا و بسنّيا و ما نطلقهاش لأبد الأبدين .. ما نطلقهاش اتروح لصحاب بولحية التّكفيريّين.. ما نخلّيش الجهّال يردّونا كي الأفغانيّين ..و شعلت الفتنة و الأمم شمتتنا و فينا شفّايين..و يقوّوا فالخو على خوه ليهم محرّضين..و الشّعب المسكين جا ما بين النّارين..اللّي يطلّ فيه يظهدو و يجرّو من الوذنين..شحال شباب راحو غدرا ادّاهم السّكين ..وشحال وليّات تهجلو واغتصبوهم الهمجيّين..شحال أطفال تيتمو و عاشو بلا والدين ..وشحال من أمّ كواوها على كبدتها قتلوه في احجرها و بيدّيها غمضتلو العينين..شحال من راجل هانوه في شرف أهلو مسكين..هو يتفرّج و الوحوش على بناتو متناوبين..شحال من ناس كانو في دشورهم في عزّ مرتاحين..عايشين من الأرض على نفوسهم فنطازيّين ..و لمّا وصلتهم ألة الموت عادو من الموت هاربين ..و خلاّو ارزاقهم و سلكوا بعمارهم المهم يبقاو حيّين.. ومن بعد العزّ ولاّو متشردين و من بعد الغنا عادو طلاّبين..و الأرياف خوات و اخلات سكنوها القتّالين..و المدن اكتضّت و عمرت بالأفات و الفعل الشّين..عدّينا وشحال لحضات مرّين.. نباتو مع الموتى و نصبحو مع الحيّين..
و اليوم الحمد لله على فضلو رب العالمين..برحمة منّو و بفضل الرّجال المخلصين..اجّاوزنا الأزمة و عدنا متهنيين..و بقات أمور جانبيّة ليها رانا تبّاعين ..و بالصّبر و الكفاح السّلمي احنا المنصورين..و ما نقبلش البرّاني يكون ليّا مدين..ياك البيت اذا كان مبني عل ساس امتين..ما يهزّو لا ريح ما يطيحوه المخرّبين..
يا ربي طفّي الفتنة في جميع أراضي المسلمين و خرّجنا منها غانمين و سالمين ..و ردّ كيد الأعداء و الخونة المنافقين.. واجعل الجزائر أرض رفاهية و سلام و الجميع فيها متّاحدين ..واهدي ولاّت أمورنا الى طريق الخير و الدين ..نترجاك يا رب و لك اللهمّ أمين..و اليوم الحمد لله على فضلو رب العالمين..برحمة منّو و بفضل الرّجال المخلصين..اجّاوزنا الأزمة و عدنا متهنيين..و بقات أمور جانبيّة ليها رانا تبّاعين ..و بالصّبر و الكفاح السّلمي احنا المنصورين..و ما نقبلش البرّاني يكون ليّا مدين..ياك البيت اذا كان مبني عل ساس امتين..ما يهزّو لا ريح ما يطيحوه المخرّبين..يا ربي طفّي الفتنة في جميع أراضي المسلمين و خرّجنا منها غانمين و سالمين ..و ردّ كيد الأعداء و الخونة المنافقين.. واجعل الجزائر أرض رفاهية و سلام و الجميع فيها متّاحدين ..واهدي ولاّت أمورنا الى طريق الخير و الدين ..نترجاك يا رب و لك اللهمّ أمين..