النهار ....الشروق...كاي بي سي...بالاظافة الى الهداف الكذابين ..صحافة
عاهرة بامتياز و صحفيون لن اقول مبتدئين بل جهال باتم معنى كلمة جهال و
جيبلي صحفي واحد يحرر مقالة براسو و لو ما يديرش كوبيي كوليي من موقع عربي و
يزيدلو كلمات من عندو والله ما يخدم.
بالاظافة الى كل هذا قنوات
تبث الرذيلة باتم معنى كلمة الرذيلة ..خلي تقولي تكسير الطابوهات و لكن يا
أخي ما جيبليش فتاة خارجة طريق *عفى الله عنها على كل حال * و ديرلي حصة و
كلمات ساقطة تستعمل طيلة تلك الحصة مثل :
جابتلي الرجال
سمعتها في التيليفون
تخدم في الملاهي
شافتها عيني ...الخ.
و قناة ديرلك سطار اكاديمي و تصور فتيات داخل منزل ستار اكاديمي لابسين
فيزوات و شوغتات قصار و يدورو و شوفها مع داركم و لا خلي نقولو حنا الرجال
جينيرالمون عندنا تلفزة خاصة في شمبرتنا و لكن ختك راهي تشوف يماك راهي
تشوف بنت خالتك راهي تشوف ....الخ .
قسما بالله تعالى غير منذ 4 سنوات ملي بلاصيت استرا في شامبرتي و انا نتعلم هاذي وحدة ...اثنين نستمتع ...ثلاثة كل شئ جميل
يعني استرا نحي قنوات الفسق لي باينين و خلي قنوات اخرى والله والله والله
غير الافادة و الاستفادة شئ كبير من قنوات الاشرطة العلمية الطبيعية
الافلام لي سيري الهادفة ...الخ
و هذا قاع و تزيد تقدر تتعلم لغات كالفرنسية و الانجليزية و الايطالية و حتى الالمانية بمتابعتك الدائمة لهاته القنوات .
و قناة النهار جيبلي فتيحة و راجلها يحكيو و يضاربو امام 40 مليون عائلة
مانيش نسب فيهم على كل حال ربي يكون في العون و لكن نظن بلي ماشي تاع حصة
يشوفها شعب خلينا نقولو شعب عندو الحرمة في كثير من الاشياء عيب والله غير
عيب
.
